Geld et Nelt
  Geld et Nelt Dehaem  
     
 

Toll voll

Heit geht mers nitt so aarich toll
Ich war geschdern ganz scheh voll
Hab misch midm Nelt gedroffe
Unn mich ganz scheh derb zuxoffe
Heit bleiwich mol dehäm
Kann jo nidd immer soweider geh
Gugg en Film odder zwä
Dess is jo achemol ganz scheh...ja so werr ichs mache

Isch legg misch grad uffs Schesselong
Do klingeld ach schunns Telefon
Tach, do Praxis Lebensfeld
Isch wees genau, des is de Nelt
Er froochd: unn bischd noch lang gebliwwe
Ich war erschd dehäm um siwwe
Weil kä Bahne gfahre sinn
unn ich hämgeloffe bin
Isch sach: Isch bin doch vor dir gange
ohne s Geld zuriggzufelang
Wu isch dir geliehe hab
fer des Bier im Eirisch Pabb
Was, do simmer dring gewessd?
Ajo, do hoschd jo noch rumgschdressd,
dass die Musigg scheisse weer,
weisst du das denn garnettmehr?
Isch wees nur funn dere Bar
Wu de Wissgi so billich war
Mol was annres: Was maggschn heid?
Hosch vielleischd e bissl Zeit
Rumzukumme, Musigg heere
Scheisse babble, Broode schmeere?
Alla hobb, warum dann nidd.
Isch bin awwer nidd so fit.
Allerheggschens ä zwä Schdunn
Dass ich frieh ins Bedd neikumm...
Kennschd die nei Impaled Nazarene
Nä, dodefier habb isch die nei Ween
So gehts los unns werd nidd schbeed
Bis de erschde Scholle uffm Disch schdeht
Enner zu zwedd, des is jo nix
Do werd schunn de neggschd gemixt
De Preni duud heid oowend feire
Do kinnd mer mol jo noch hieeire,
Sachd de Nelt ganz logger doher
Unn de Wei war jo ach schunn leer
Dort gehmer dann rischdisch schdeil
Unn die Pardie war ach rischdisch geil
Jetzt geht mers ach widder toll
Jetzt bin isch ach widder rischdisch voll
Wissener was isch mähn

Voll toll zurigg!

 

 
Geld et Nelt Dinger