Geld et Nelt
  Geld et Nelt Dehaem  
     
 

Pälzer Bu

Isch du am libbschde Schorle saufe
Odder ma was zu Raache kaufe
Unn dess dann innen Joint neibaue
Unn ma dodemit s Hirn weghaue
Besser iss nadierlisch mit paar Kollegas
Besser iss nadierlisch kää Dope sondern Gras
Besser iss nadierlisch du halscht dei Maul
Unn rennsch los bisch gar nitt faul
Holsch dess Gras wo ma brauchen
Mir sinn Scheiße wemma nix rauchen
Gut wamma Pizza kaafsch iss ach nitt schlecht
N gude Rieslingschorle iss ma rescht
Der kummt dann ins Gläsel nei
Mit ä bissl Wasser mischst du denn Wei
Keppel uff, Schorle druff
Nunna xuff, jetzt bisch du druff
Wien Indjaner saagsch: uff uff
Dann kummt da irchendwas defu widder ruff
Du schluckschs nunner nochn Schluck
Genau so machts n P älzer Bu

So jetz bin isch gut uff Basis
Ferr misch iss Wei was ferr annre Gras iss
Ou s iss jo schunn halwer änns
Unn klobbe dut sisch do noch kenns
Do stimmt was nitt dess kann nitt sei
Normalerweis sinn all debei
Sisch zu wääsche unn zu batsche
Odder zumindescht Beifall klatsche
Ou jetz wääß isch ach warum
S isch jo middags bin isch dumm
Do kann isch jo ä Brotwurscht esse
Sowas sollt ma nitt vergesse
Do kamma besser weiderbumbe
Unn noch ä Scherlsche ausm Humbe
Gibts ä Steicherung funn besoffe
Die Skala iss noch owwe offe
Schließlich muss isch topfit sei
Ferr die Halb-änns-Schlächerei
Do druff trink isch nochn Schluck
Genau so machts n Pälzer Bu

Do hemmers uns awwer gewwe....trotzdem zurigg!

 

 
Geld et Nelt Dinger